امام ابو حنیفہ رحمہ اللہ کا قیاس

امام الفقہاء امامِ اعظم ابو حنیفہ رحمہ اللہ کا قیاس (بڑا پیارا واقعہ)   محمد بن ابراہیم الفقیہ سے روایت ہے ایک روزامام اعظم ابوحنیفہؒ اپنے اصحاب کے ساتھ  مسجد میں تشریف فرما تھے کہ اتنے میں آپ کے ہاں سے ایک شخص کا گزر ہوا دیکھ کر فرمایا :میرا خیال یہ ہے کہ یہ شخص مسافر ہے، کچھ دیر بعد فرمایا کہ میرا خیال ہے کہ اس شخص کی آستین میں کوئی میٹھی چیز بھی ہے، پھر کچھ دیر بعد فرمایا کہ میرا خیال ہے کہ یہ شخص معلم الصبیان(چھوٹے بچوں کا استاد )ہے اب حاضرین میں سے کوئی شاگرد اٹھا تاکہ ا س شخص کے بارے میں قطعی اور یقینی معلومات حاصل کی  جاسکیں جب تحقیق کی تو معلوم ہوا ۔ ا۔   واقعی وہ شخص مسافر ہے ۔ ب۔   اس کی آستین میں کشمش ہے۔ ج۔   واقعی ا س کا  کام معلم الصبیانی ہے۔     حاضرین نے امام ا بو حنیفہ ؒ سے دریافت کیا کہ آپ کو اس شخص کے بارے میں کیسے معلوم ہوا  امام صاحبؒ نے فرمایا:کہ میںنے دیکھا کہ وہ گھورگھور کر دائیں بائیںدیکھتا رہا اور مسافر جہاں بھی جاتے ہیں یہی کرتے ہیں میں نے اس کی آستین پر مکھی دیکھی تو یہی سمجھا کہ اس کی آستین میں کوئی میٹھی چیز ہے مکھی ایسی چیزوں کی طرف دوڑ کر آتی ہے اور میں نے اس شخص میں یہ بھی محسوس کیا کہ وہ بچوں کو بڑی تیز نگاہوں سے دیکھ رہا تھا جس سے میں نے اندازہ کیا کہ یہ بچوں کا استاد ہے ۔                (ازامام اعظم ابوحنیفہؒ کے حیرت انگیز واقعات)۔ کاپی پیسٹ