♧ث ﷽ ﷽ 🌹    

اَلسَلامُ عَلَيْكُم وَرَحْمَةُ اَللّٰهِ وَبَرَكاتُهُ‎🥀

🖌۔.حضرت عائشہ رضی اللہ عنھا کا علمی مقام 

حضرت عا ئشہ صدیقہ رضی اللہ عنھا کے متعلق تا ریخ گواہ ہے کہ بہت بڑی عالمہ اور فاضلہ تھیں ، دینی علوم میں ان کی مہارت کا یہ عالم تھا کہ بڑے بڑے صحابۂ کرام رضی اللہ عنہ ان سے استفادہ کرتے تھے ، ان کے والد ابو بکر رضی اللہ عنہ اور حضرت عمر رضی اللہ عنہ بھی بہت سے مشکل مسائل میں ان سے رجوع کرتے تھے ۔ 

حضرت مسروق تابعی رحمہ اللہ فر ماتے ہیں کہ میں نے اکا برِ صحابہ کو دیکھا کہ میراث کے مسائل حضرت عائشہ رضی اللہ عنھا سے دریافت فرمایا کرتے ۔ 

حضرت ابو موسی اشعری رضی اللہ عنہ فر ماتے ہیں کہ ہم صحابہ پر جب بھی کو ئی مشکل مسئلہ آپڑتا ، تو ہم حضرت عا ئشہ رضی اللہ عنھا سے دریا فت کرتے اور ان کے پاس اس بارے میں ضرور کو ئی علم ہو تا ۔ 

حضرت قبیصہ رضی اللہ عنہ نے فر مایا کہ حضرت عا ئشہ رضی اللہ عنھا تمام لو گوں میں سب سے بڑی خواتین کا علم تھیں ۔ 

امام زہری رحمہ اللہ نے کہا کہ اگر تمام ازواجِ مطہرات کا اور تمام خواتین کا علم جمع کیا جا ئے ؛ توحضرت عا ئشہ رضی اللہ عنھا کا علم سب پر بھاری ہو گا ۔ 

 ( تہذیب التہذیب : ۱۲ ؍ ۴۳۵ ، تذکرۃ الحفاظ : ۱ ؍ ۲۸ ) 

یاد رہے کہ حضرت عا ئشہ رضی اللہ عنھا نے صرف علومِ شرعیہ تک ہی اپنے کو محدود نہیں فرمایا تھا ، بل کہ دیگر علو م میںبھی انھوں نے مہارت حاصل کی تھی ۔ حضرت عروہ حضرت عائشہ رضی اللہ عنھا کے بھانجے ہو تے ہیں ، انھوں نے فرمایا کہ میں نے علمِ طب ( ڈاکٹری ) میںحضرت عا ئشہ رضی اللہ عنھا سے بڑا عا لم نہیں دیکھا ۔ نیز فر مایا کہ میں نے حضرت عا ئشہ رضی اللہ عنھا سے بڑا عالمِ تفسیر میں کسی کو دیکھا ، نہ میراث میں ، نہ فقہ میں ، نہ شعر و شاعری میں ، نہ طب میں ، نہ تاریخِ عرب میں اور نہ علمِ نسب میں ۔ 

 ( تذکرۃ الحفاظ : ۲۸ ، تہذیب التہذیب : ۱۲ ؍ ۴۳۵ ، المنہل الروي : ۶ )

🌷پوسٹ اچھی لگے تو عمل

کریں اور دوسروں کو بھی عمل کرنے

کی دعوت دیں🥀