✔نظام محبت*
درود شریف کے اندر ایک پورا نظام پوشیدہ ہے…
ہم اسے ’’ *نظام محبت*‘‘ اور ’’ *نظام رحمت*‘‘ کہہ سکتے ہیں…
درودشریف پڑھتے ہی یہ پورا نظام حرکت میں آ جاتا ہے…
مختصر طور پر اس نظام کو سمجھ لیں… درودشریف پڑھنے والے نے … اللہ تعالیٰ سے محبت کا ثبوت دیا…
کیونکہ درودشریف پڑھنے کا حکم اللہ تعالیٰ نے دیا ہے…
یہ ہوئی *پہلی محبت*…
درود شریف پڑھنے والے نے حضور اقدس ﷺ سے محبت کا ایک حق ادا کیا… یہ محبت ایمان کے لئے لازمی ہے…
جب تک رسول اللہ ﷺ کی محبت … ہمیں ہر چیز سے بڑھ کر حاصل نہیں ہو گی… اس وقت تک ہمارا ایمان کامل نہیں ہو سکتا… اعتبار والا ایمان وہی ہے جس میں حضور اقدسﷺ سے محبت… سب سے بڑھ کر ہو…
اپنے والدین، اپنی اولاد… اپنے مال اور اپنی جان سے بھی بڑھ کر… انسان کو جب کسی چیز کی سچی محبت ہوتی ہے تو… وہ اس کا تذکرہ زیادہ کرتا ہے…
آپ بازار چلے جائیں… ہر طرف مال، مال اور مال کی آوازیں سنیں گے…
ہمیں حضور اقدس ﷺ کی صحبت حاصل نہیں ہوئی …
مگر ہم آپ ﷺ کی محبت تو پا سکتے ہیں… یہ محبت ہمیں جس قدر زیادہ نصیب ہو گی اسی قدر ہمارے دل میں…
آپﷺ کی زیارت، شفاعت، صحبت اور تذکرے کا شوق بڑھے گا… درودشریف میں ایک بندہ اپنی اسی محبت کا اظہار کرتا ہے… تو یہ ہوئی *دوسری محبت*…
ہم نے محبت سے درود شریف پڑھا تو… درودشریف کی خدمت پر مامور ملائکہ نے اسے محبت سے اُٹھایا اور سنبھالا … ان عظیم ملائکہ یعنی فرشتوں کے عجیب حالات حدیث شریف کی کتابوں میں آئے ہیں… یہ معزز فرشتے درود شریف کو اُٹھانے ، سنبھالنے اور پہنچانے کی خدمت انجام دیتےھیں …
بہت تیزی اور محبت سے سر انجام دیتے ہیں…
فرشتوں کو درودشریف سے محبت ہے…
اس کا ثبوت قرآن مجید میں موجود ہے… یہ ہوئی *تیسری محبت*…
پھر اللہ تعالیٰ نے ایک وسیع طاقت اور سماعت رکھنے والا ایک فرشتہ (ایک روایت میں دو فرشتے )مقرر فرما رکھا ہے… جو درودشریف پڑھنے والے کو … بڑی محبت بھری دعاء دیتا ہے اور کہتا ہے ’’ *غفرانک اللّٰہ* ‘‘…
اللہ تعالیٰ تیری مغفرت فرمائے… فرشتے کی اس دعاء پر دیگر فرشتے آمین کہتے ہیں … اور اللہ تعالیٰ اس دعاء کو قبول فرماتاھے…
یہ ہوئی *چوتھی محبت*…
فرشتوں نے یہ درودشریف حضور اقدسﷺ تک… درود شریف پڑھنے والے کی ولدیت کے ساتھ پہنچا دیا کہ…
یا رسول اللہ ﷺ ! فلاں بن فلاں نے آپ پر صلوٰۃ و سلام بھیجا ہے… آپﷺ اس صلوٰۃ و سلام کا محبت کے ساتھ جواب ارشاد فرماتے ہیں … سبحان اللہ! حضرت آقا مدنی ﷺ کا جواب … آپ ﷺ کی ہمارے لئے دعاء رحمت… اور ہمارے لئے سلام … یہ ہوئی *پانچویں محبت*…
اب ان پانچ محبتوں کے بعد… محبت کے مئے خانہ کا اصل دور شروع ہوتا ہے … وہ یہ کہ اللہ تعالیٰ توجہ خاص فرماتاھے… اور پھر اس بندے پر محبت اور رحمت کی بارش فرما دیتاھے…
*دس خاص رحمتوں کا نزول… دس درجات کی بلندی* …
*دس گناہوں کی معافی… اور معلوم نہیں کیا کیا انعامات*…
دیکھا آپ نے کہ… ہم نے جیسے ہی کہا .
💖 *اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ.إِنَّكَ حَمِيدٌ مَجِيدٌ* *اللَّهُمَّ بَارِكْ عَلَى مُحَمَّدٍ، وَعَلَى آلِ مُحَمَّدٍكَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ.إِنَّكَ حَمِيدٌ مَجِيدٌ*..... 💖
💖 *اللھم صل وسلم وبارک علیٰ سیدناو مولانا محمدوعلی آل سیدناومولانا محمد* ......💖
تو زمین سے لے کر عرش تک… کیسا زبردست ’’ *نظام محبت و رحمت* ‘‘ متحرک ہو گیا… اب جس بندے کو یہ نعمت نصیب ہوئی… اس کا کون سا مسئلہ ہے جو حل نہیں ہو گا اور کون سی پریشانی ہے جو دور نہیں ہو گی…💖
💕 *صلی اللہ تعالی علیہ وآلہ وصحبہ بارک وسلم*💕
💕 *صَلَی اللّٰہُ عَلٰی النَّبِّی الْاُمِّی*ِّ
💕 *صلی اللہ علیہ وسلم*💕
*روزانہ بالخصوص شب جمعہ اور بروز جمعہ کثرت سے دورد شریف کی تسبیحات📿 پڑھنے کا معمول بناٸیں۔ خود بھی پڑھیں اور دوسروں کو بھی درود پاک پڑھنے والوں کے قافلے میں شامل کرواٸیے۔*
*اللہ پاک ہم سب کو اپنے نبیﷺ پر کثرت سے درود بھیجنےوالا بنائے(آمین)*
*...*
*اس طرح کتنے ہی لوگ آپ کی وجہ سے نبی ﷺ پر درود بھیجیں گے...!*
Comments
Post a Comment
آپ تمام دوستوں سے گزارش ہے کہ ایسا کوئی برا کمنٹس نہ کریں جس سے لوگوں یا مسلمانوں کو تکلیف ہو شکریہ
We ask all your friends not to make any bad comments that will hurt people or Muslims. Thank you